Дали бебето треба да се капе секој ден?

Честo прашање на новопечените родители е колку често бебето треба да се капе. Некои се поборници за тоа да бебињата треба да се капат секој ден, а некои истражувања покажуваат дека новороденчето треба да се искапe на четири дена, бидејќи тие не се валкани, така што не треба секојдневно капење. Многумина се согласуваат дека бебето е доволно да се капе два пати неделно, под услов целосно да се исчисти делот од телото кој е покриен со пелени, или да се измие нивното газе секој пат кога бебето кака.

Исто така, ќе биде добро секој ден да ги чистите оние делови од телото, што се потат или делови од телото кои се често измрсуваат или валкаат, како што се зад ушите, пазувите, наборите на вратот и набори во препоните.

Шампоните и сапуните се наменети да ги задржуваат честичките од нечистотија и маснотии на површината на кожата за да можат лесно да се отстранат со вода. Без употреба на сапун одреден степен на маснотии, нечистотија или површинска секреција, може да се залепи на кожата. Во тој случај, отстранувањето на нив ќе бара уште посилно триење со вода и крпа, што може да ја иритира кожата.

Секое бебе има различен степен на толеранција кон различни шампони, купки или сапуни. Кожата на бебето, а особено на кожата на новородените, е многу чувствителна. Затоа е важно да се користи исклучиво медицинска козметика специјално дизајнирана за бебиња.

Треба ли да користам сапуни и купки?

Можете да го капете вашето новороденче во чиста вода каде што можете да додадете само капка маслиново масло или бадемово масло или да ја користите медицинската козметика што ќе ви ја дадат за бебињата од првиот ден.

Кога ќе почнете со користење на сапун, треба да следите некои инструкции. Всушност, испробајте го на мал дел од кожата на бебето, ако во следните неколку часа на кожата на местото се појави црвенило, се исуши или промени во однос на другите делови од телото, не го користете тој сапун и обидете се со поинаков.

Секогаш користете благ сапун, шампон или купка (неутрална вредност на pH). Различни купки и детски шампони се всушност исти како оние што се користат за возрасни, но содржат помалку додатоци како што се антибактериски супстанции, мириси или абразив. Избегнувајте хигиенски производи за возрасни.

Кога го капете бебе со сапун или купка, ограничете го времето на капење на помалку од пет минути за да се избегне сушење на кожата и иритација. Извадете ја пената од кожата што е можно побрзо и исплакнете со чиста вода. Многу е важно да не ја трљате кожата многу јако.

Шампоните се слични на сапуните и нивната честа употреба може да го иритираат скалпот и да ги отстранат природните масти од косата.За повеќето бебиња доволно е миење на косата со шампон еднаш неделно. Ако вашето бебе е подложно на егзема или има алергиски дерматитис, користете што е можно малку сапун. Во врска со ова, консултирајте се со дерматолог кој ќе препорача сапун или бебешки шампон. Бебињата со особено чувствителна кожа треба да поминат многу малку време во бањата, најдобро е да ги туширате и да ги исчистите само валканите делови од телото.

Ако на вашето бебе му се перута кожата на главата, втрлајте го маслиновото или бебешкото масло во скалпот на главата и оставете го тоа половина час. После тоа, расчешлајте ја косата и потоа измијте ја со шампон. Кога го измивате бебето, избегнувајте сапуни.