Духовита табличка на детскиот сон: Колку бебето треба да спие?
Мајката блогерка Емили Џејн Кларк направи духовита табличка на детското спиење која ги прикажува работите какви што навистина се. Нејзината цел е да им покаже на родителите чии деца не спијат дека не се сами.
По низата на непроспиени ноќи, се прашувате што е нормално и колку вашето бебе би требало да спие. Мислењата на стручните лица можете да ги пронајдете во книгите и на веб порталите, а искуствата од другите мајки на форумите и друштвените мрежи, но една мајка блогерка ни откри се за спиењето на еден забавен начин.
Емили Џејн Кларк, авторка на блогот Stolen Sleep, е мајка на две девојчиња, Исла и Клеа кои не сакаат да спијат. Таа направи генијална табличка на детското спиење која ги прикажува работите какви што навистина се.
Вака изгледа нејзината табличка:
Колку моето бебе би требало да спие?
0-1 месец
Дневно спиење: Доволно да почувствувате малку задоволство.
Ноќно спиење: 0-12 часа (се додека не го спуштите на кревет).
1-3 месеци
Дневно спиење: 1-3 пати (но само во кола во тек на возење или во вашите раце).
Ноќно спиење: Не премногу поради честото хранење.
3-6 месеци
Дневно спиење: Само на вас. Не сте веќе така самозадоволни.
Ноќно спиење: Онолку колку ќе ви треба да легнете во кревет и да ги затворите очите.
6-12 месеци
Дневно спиење: Тешко.
Ноќно спиење: Не премногу. Сите кои ви рекле дека ќе спијат по воведувањето на цврста храна ве лажат.
1-2 години
Дневно спиење: Зар тоа воопшто постои?
Ноќно спиење: На кого му е гајле?
Емили со своите ќерки доживеа многу непроспиени ноќи и многу неуспешни обиди за заспивање.
“Кога е ноќта е добра, се будат на секои неколку часа, кога ноќта е лоша, се будат не секој половина час, а кога е навистина лоша, воопшто не спијат”, вели мајката која и на Facebook собра заедница на ненаспиени родители.
Авторка е и на првата книга поврзана со бебињата и спиењето без никакви совети, наменета на сите кои не можат да спијат поради своите бебиња.
Доколку пак се прашувате зошто плаче вашето бебе, стиснете ТУКА 🙂