Фитнес за мајки и бебиња
Во склад со истражувањата на Светската асоцијација за спорт и физичко образование, бебињата, малите деца и децата од предшколска возраст би требало да поминуваат најмалку еден час дневно во некоја физичка активност како би имале правилен раст и развој.
Доколку децата растат со вежби и навики многу е мала веројатноста дека таквите деца ќе имаат проблеми како што се гојазност, деформитети на грбот, колената, стапалата, кардиоваскуларниот систем и дијабетес во иднина.
Вежбање со бебе
Вежбите мораат да бидат прилагодени на возраста, што значи дека треба да се менуваат како детето расте. Основата е следна: во првото тромесечје вежбите имаат за цел опуштање, посебно на рацете, нозете и главата кои долго биле згрчени во матката. Во другото тромесечје се прават вежби за сите делови на телото со цел стимулирање на самостојното движење на детето, било тоа да е ползење или ползење на задник. Последното тромесечје е наменето за вежбите за зацврстување на стоечката положба и подготовки за одење.
Едноставни вежби кои можете да ги правите сами со вашето бебе:
-Играјте на музика додека детето ви е во раце.
-Помогнете му на детето да се исправи до седечка положба, така што ќе го ставите во скут, ќе го фатите за раце и полека ќе го повлечете кон себе.
-Стимулирајте го вртењето на бебето од грб на стомак и обратно додека е на кревет.
Совет: Избегнувајте дубак и кенгур, а наместо тоа дозволете му времето да го поминува на подот.