Губење на косата по породувањето

Ако сте имале бујна и густа коса за време на бременоста, тогаш по породувањето, ситуацијата  веројатно значително ќе се промени. Ова обично се случува во текот на првите три месеци по раѓањето.

Зошто ја губам косата?

Не грижете се, нема да оќелавите, иако сигурно ќе помислите дека сте на пат во некои моменти.

Косата, или поголемиот дел од неа, обично ја следи вообичаената фаза на растење и опаѓање. Само околу 10 проценти од косата е во состојба на одмор – има долг век и ретко паѓа. Сепак, бременоста менува сè. За време на бременоста, високите нивоа на естроген може да го продолжат животот на највисок процент на косата, што ја прави поретко да паѓа од вообичаеното. За  тие девет месеци, косата е бујна, сјајна и брзо расте.

Кога ќе се породите, нивото на естроген брзо се враќа во нормала и косата почнува да опаѓа многу побрзо. Вообичаеното темпо на раст и пад, вашата коса ќе го врати околу една година по породувањето.

Добрата вест е дека, ако во текот на бременоста сте имале опаѓање и на другите делови на вашето тело, сето ова ќе се намали во рок од шест месеци и ќе почне да расте повторно со вообичаено темпо.

Има ли помош при опаѓање на косата?

Ова опаѓање на косата нема никаква врска со внес на  витамини или производи за нега кои ги користите, па нема да можете многу да влијаете на процесот. Прифатете го како дел од промените кои вашето тело природно ги минува по завршена одлична работа. Најдоброто нешто што можете да направите е да експериментирате со фризури и да ja најдете онаа која е најпрактична, и ја прави вашата коса да изгледа погуста.