Имиња за девојчиња и момчиња кои значат “чудо”
Зошто изборот на име ни е толку важен? Освен што името на нашето дете ќе го изговориме мал милион пати во иднина па сакаме да ни се допаѓа она што ќе го слушаме, со изборот на името исто така испраќаме слика за себе, својот вкус и своите ставови.
Има многу услови кои треба да се исполнат: името треба да ви се допаѓа и вам како на родител, и на останатите, да не биде премногу често, да не звучи премногу старомодно, да не биде ни премногу обично, а притоа многу е важно да му се допаѓа и на вашиот партнер, што уште повеќе го намалува изборот.
Ова се само некои од предлозите какво име можете да му дадете на вашето дете, ако сакате звучно име со силна симболика – чудо.
Ива
Едно од најпопуларните женски имиња. Облик од името Ивана. Значењето на името е Бог е милостлив или дар од бога, што може да се поистоветува и со чудо.
Доротеа
Ова женско име од грчко потекло има исто значење како и името Теодора, дар божји. Двете имиња во основа настанале од истите зборови, theos, што значи Бог и зборот doron, што значи дар. Останатите облици од ова име се Дора и Доротеја.
Матеј
Класично машко име кое не ја губи својата популарност. Знашењето на ова име настанало од зборот мatthias, што значи дар божји. Останато облици од ова име се Матеја, Матео, Матија, Матеа.