Како прегратката влијае на емоционалниот развој на детето

Прегратка е навистина нешто посебно што може да му дадете на вашето дете уште во утробата. По зачнувањето, чувството за допир на бебето започнува да се развива, а до 12-тата недела, бебето може да реагира на допир низ телото. Во мајчината утроба, бебето веќе ја чувствува благата прегратка и топлината на неговата мајка што го прави бебето безбедно.

Веднаш по раѓањето, првиот контакт на бебето со мама е еден од најважните, бидејќи тогаш за прв пат, допирот ја воспоставува комуникацијата со неа. Овој прв допир и прегратка е од најголема важност затоа што му давате до знаење на бебето дека дојде во светот и има родители кои многу го сакаат!

Прегратките се исклучително важни за здравјето на бебето

Важноста на допирање е потврдена од научниците кои откриле дека постои врска помеѓу силата и фреквенцијата на плачот на бебињата и зачестеноста на мајчината нега за бебето. Значи,  штом мајката се грижи за своето бебе, го мази, го гали, бебето ќе плаче помалку. Допирот навистина има големо влијание врз физичкото и менталното здравје на бебињата и децата!

Потребата на бебето за допир е примарна потреба што мајките треба да ја задоволат за да се развие здраво и урамнотежено бебе!

Докажано е дека допирот, исто така, им помага на недоносените бебиња. Бебињата кои се повеќе прегрнувани и галени се опоравуваат побрзо и помалку плачат од бебињата кои се лишени од допир. Овие деца се поактивни и поздрави во подоцнежниот развој во текот на првата година.

Прегрнувајте ги вашите деца  цел живот!