Која риба треба да ја јадат, а која да ја избегнуваат бремените жени и децата?
Во новите упатства за исхраната на бремени, рибите се поделени во три категории, додека бремените жени и малите деца се советуваат да избегнуваат риби со висок процент на жива
Загадувањето со жива претвори некои видови риби во потенцијално опасна храна која може да има негативно влијание врз нервниот систем на бебето и затоа не се препорачува за време на бременост и доењето. Живата е тежок метал кој е природно присутен во животната средина. Главните извори вклучуваат согорување на фосилни горива (особено јаглен) и фрлање пепел во комунални води. Живата се јавува во неколку форми, од кои најопасните се метил-жива. Во морињата, езерата и реките, живата се трансформира во метил-жива што доаѓа до рибите, особено кај големи предатори. Рибите и рибните производи се главниот, ако не и единствен, извор на метил-жива присутен во човечкото тело.
Во 2004 година, американската агенција за храна и лекови (ФДА) и Агенцијата за заштита на животната средина издадоа заедничко предупредување за бремени жени, доилки и жени кои се обидуваат да имаат деца. Во предупредувањето, беше наведено дека овие ризични групи треба да избегнуваат риба и морска храна кои содржат покачени концентрации на жива. Подетално се мисли на долгогодишна риба, како што се морско куче, сабјарка, скуша, туна.
Поделба на рибите во три категории
Новина во американските упатства е поделба во три категории: најдобар избор, добар избор и видот кој треба да се избегнува за време на бременоста.
На листата на риба, која треба да се избегнуваат се седумте видови на риби: скуша (Scomberomorus Cavalla, kingmackerel), риба од семејството Istiophoridae (MARLIN), Атлантски крап (Hoplostethus atlanticus; orange roughy) ајкула, сабјарка, туна (Thunnus obesus) и риба од семејството Malacanthidae (eng tilefish).
Во листата на најдобрите избори риба или рибата која ви се препорачува 2 до 3 порции неделно, се сардини, инчуни, ослиќ, лосос, пастрмка, шкампи, како и одредени видови на туна како туна латинското име Katsuwonus Pelamis (eng Skipjack). Туната како Thunnus alalunga како оваа кај нас популарна со жолта перка е на листата на добар избор, и нејзино конзумирање се препорачува еднаш неделно.