ЛЕТУВАЊЕ СО ДЕТЕТО – АПТЕКА ЗА ПО ПАТ
Аптека за по пат
Лекови за намалување на температура-антипиретици, парацетамол или ибупрофен се лекови кои ефикасно ја намалуваат температурата. Сирупите се добри, ако детето не повраќа, а ако сепак тоа се случи, потребни се чепчиња парацетамол. Чепчињата не се користат ако детето има пролив, бидејќи додатно ги надразнуваат веќе надразнетите црева.
Лекови против алергија-антихистаминици. Алергиите не се ретки на летување, бидејќи се работи за акутни реакции, важно е брзо да се реагира. Затоа треба да имате антихистиминик сируп: Лоратадин (Кларетине или Пресинг) или нов лек Аериус. Овие лекови се многу ефикасни за вообичаени алергии, а можат и да ги намалат болките кога ќе се јават изгореници од сонцето. Може да се земат во случај на касање од комарци.
Капки за нос
Правите настинки се ретки на летување, но може и да дојде до нив. Затнатиот нос му смета на детето а особено на бебето. Покрај отежнувањето при земање на храна, може да дојде и до воспаление на увото. За бебе е добар раствор Ефедрина 0,5%, а поголеми деца може да користат појаки капки за деца (Оперил….). капките не се даваат повеќе од 3-4 дена, што е сосема доволно, летната настинка да помине.
Антибиотици
Иако не треба антибиотиците да се даваат напамет, не е лошо да се има сируп со антибиотик од широк спектар, поготово ако патувате во странство. Обавезен е преглед или барем консултација со лекар.
Не е лошо да се има и некоја антибиотска крема (Енбецин, Гентамицин..) бидејќи не ретко со промена на амбиентот децата добиваат и некоја инфекција на кожата.
Лекови за надополнување на течноста (за повраќање и пролив)
Повраќањето и проливот се на прво место меѓу непријатните болести што детето може да ги добие на летување. Без оглед на возраста, столб за лечење е да се надополни течноста. Еден од лековите е хумана електролити, ги има повеќе на пазарот и пред употреба прочитајте го упатството, по кое треба да се придржувате.
Пробиотици-лекови за регулирање столица
Пробиотици се препарати кои содржат добри бактерии-тие на цревата им помагаат во варењето и допринесуваат за формирање на нормална столица. Затоа ако детето има пролив, овие лекови помагаат за нормалната функција на цревата. Една врста на пробиотик е Линекс. Линекс за бебиња лесно може да се раствори во вода и нема штетни дејства.
Повидон, стерилна газа и фластери
Ова ви е неопходно ако детето падне, се исече или слично.
Репеленти и лекови за ублажување ако го касне инсект.
Репеленти се растерувачи на инсектите. Кога се нанесуваат на кожата, ги одбиваат инсектите, Аутан и слично.
Постојат разни гелови кои ја ладат кожата после каснување на инсектите, но го ублажуваат и воспалувањето, еден од лековите е Хипер хама гел.
Спреј против каснување
Нежната осетлива кожа е посебно осетлива на лето. Големите горештини, потењето, капењето во солена вода, играњето во песок и шетањето во природа често може да придонесат за да дојде до касање од инсекти. Спрејот против каснување од комарци и други инсекти треба секогаш да се има при рака.