Немате ставки во вашата кошничка.
Close
Пребарување
Filters
Swisslion Kadino

Бебиња родени во зима

Бебиња родени во зима

Родителите на бебињата кои се родени во зима се соочуваат со голем број на проблеми: кога и како да го изнесат бебето надвор за прв пат, дали е доволно топло во домот, дали воздухот е премногу сув, како да се заштити новороденчето од вируси?

Првата прошетка со бебето во зима

За да излезете на прошетка во зима, пожелно е да почекате бебето да се адаптира на надворешна средина и да го изнесете дури откако ќе наполни еден месец. Се подразбира дека е потребно волку долго да чекате ако температурите се константно под нула степени. Најдобро би било денот да биде мирен, без ветар и со малку сонце.

Идеален момент за првата прошетка со бебето е кога на бебето ќе му отпадне пупачето и кога времето е потопло. Кај некои бебиња тоа се случува после три дена, додека пак други мораат да почекаат и по десет дена. Најнапред можете да ги изнесете на тераса, пред куќа или во двор, а потоа и да го зголемувате времето поминато надвор.

Првата прошетка ограничете ја на 15 минути, а секој нареден ден зголемувајте за 5 минути. Прошетката ќе му годи на бебето за подобро да заспие и да има подобар апетит.

Бебето за излегување облечете го слоевито. Најпогоден изолатор се неколку тенки слоеви на облека. Потребно е бебето и дополнително да го стоплите до неговиот трет месец, затоа што тоа сеуште нема добра терморегулција.

Бебето може да се носи надвор до температура која изнесува -10 степени. Доколку е пониска, би било добро да го одложите излегувањето. Исто така, избегнувајте да го изнесувате бебето доколку дува силен ветар, врне дожд или снег и особено ако има магла.

Доколку времето не дозволува прошетка, трудете се што почесто да ги проветрувате просториите во кои бебето престојува.

Бебето и сувиот воздух

Во зима во повеќето станови воздухот е сув. Децата кои престојуваат во такви простории имаат склоност кон сушење на кожата, која станува сува, црвенкаста и почнува да се перута.

Сувата слузокожа на носот предизвикува намалена отпорност на настинки.

Температурата на воздухот не би требало да поминува 22 степени во текот на денот и 18 степени во текот на ноќта. На радијаторите или печките задолжително држете садови со вода или обезбедете електричен освежувач на воздухот.

Водете грижа секојдневно, дури и по неколку пати дневно, а особено во време на настинки, да ги чистите со физиолошки раствор очите и носот на бебето. Ушниот канал чистете го со марамица или со врвот на крпа натопена во топла вода.

 

Оставете коментар