Немате ставки во вашата кошничка.
Close
Пребарување
Filters
Swisslion Kadino

Како да се направи правилен план за спиење

Како да се направи правилен план за спиење

Добар дневен план за спиење ќе му овозможи на бебето да напредува а вам ќе ви го сочува мирот...

Нема ништо лошо во тоа што нетрпеливо чекате бебето да заспие во текот на денот. Да не е така, кога ќе ги завршите сите домашни работи или малку ќе дремнете за да ја вратите силата? Што се однесува до бебето, дневниот и ноќниот сон подеднакво се важни за неговото правилно растење и развивање на мозокот. Бебињата кои спијат во текот на денот полесно заспиваат и навечер и подобро спијат, бидејќи не се премногу уморни. Значи, што побрзо треба да направите дневен режим на спиење, и тоа ќе биде добро за целото семејство.

Поголем дел од денот во сон

До 12-тата недела од животот

Првите некоку месеци вашето бебе треба да има долг сон. Нормално е да спие и до 17 часови дневно.

Што треба да превземете ако се не е во стандардни околности?

-Што е проблемот? Бебето е очигледно уморно, поспано и ништо не може да го смири, но никако не може да заспие. Родителите често ги пропуштаат првите знаци кога бебето е поспано, а тоа е многу важен момент. За жал, кога бебето е премногу заморено, во неговиот организам почнува продукција на хормонот на стресот, од што произлегува преголемата будност и вознемиреност.

-Решение: Новороденчето може да остане будно околу 45 минути. Овој интервал до третиот месец се продолжува на час и половина. Затоа, внимателно следете го времето на будност и ако ги воочите првите знаци на поспаност-зевање, триење на очите-завиткајте го бебето и заспијте го.

Помалку спиење во текот на денот

Од третиот до шестиот месец

До 12-тата недела вашето бебе ќе останува будно подолго во текот на денот, а ќе спие по три пати на ден подолго, наместо по повеќе пати пократко.

-Што е проблемот? Некои мајки користат трикови за успивање, како на пример доењето или носење на бебето во раце и лулање, и тврдат дека нивните бебиња само така можат да заспијат, но тоа не е практично во текот на ноќта.

-Решение : Овој период е од големо значење за бебињата да научат како сами да се смират. Помилувајте го бебето, нежно спуштете го во креветчето, а потоа пуштете го само да се смири и да заспие. Тоа на почеток ќе плаче, но ако не го земете во раце, тоа ќе научи да се смири само и да заспие. Секако, тоа не значи дека треба да го оставите да плаче подолго од 5 минути!

Класична фаза

Од шестиот до деветиот месец

 Во оваа фаза на животот вашето бебе ќе спие околу еден час наутро  и час и половина попладне. Тоа значи дека во текот на денот ви остануваат два часа слободно време  (теоретски кажано, во пракса е поинаку).

-Што е проблемот? Бебето не е секогаш расположено да спие кога вие сметате дека е потребно. Понекогаш, борбата да го заспиете е многу напорна, па мајките некогаш се откажуваат од неа.

-Решение: Немојте да очекувате дека бебето секогаш ќе легне послушно во креветчето, ќе се сврти на страна и ќе заспие. Пуштете го да плаче неколку минути, а потоа постепено продолжувајте го времето помеѓу влегувањето во собата, нежно удирајте го по грбчето и пак излегувајте од собата. Важно е да сте секогаш со него и да внимавате што се случува-на тој начин ќе бидете спокојни затоа што ќе знаете дека е се во ред.

Оставете коментар