Научете го вашето дете да биде добар другар
Децата почнуваат да склопуваат важни пријателства од 4 до 5 години со деца од градинката, соседството, децата на пријателите … На оваа возраст, детето учи од родителите како да почне и како да го негува другарството. Тоа исто така учи како да се биде добар пријател. Децата кои имаат поддршка на родителите и можат да сметаат на нивниот совет од мали, се поуспешни во односите со другите луѓе. Еве што треба да го научите детето како да биде добар пријател и да знае што да очекува од другите.
Другарите се поддржуваат еден со друг
Добриот пријател секогаш е тука за да помогне, да покаже разбирање и да пружи поддршка. Другарите се поддржуваат еден со друг кога се тажни, лути, повредени, исплашени, но исто така среќни и возбудени за постигнатиот успех.
Научете го вашето дете да го слави успехот на другите
Добрите пријатели се лојални, што значи дека не зборуваат лошо едни за други. Никогаш. Ова може да биде тешко при притисок од врсниците, а особено кај децата на училишна возраст, бидејќи понекогаш не е лесно да не се придружите на група која зборува лошо за некого. Научете го вашето дете да не зборува лошо за другите, особено за своите пријатели, велејќи му секогаш да размисли како би се почувствувал ако го чуе неговиот другар да зборува лошо за него, наместо да го брани.
Другарот знае да позајми работи
Еден другар е среќен да ги споделува своите лични работи, но исто така и чувствата, искуствата, просторот и животот со своите пријатели.