Позиции на доење

Мајката може да го дои бебето во неколку различни позиции. Ќе ги наведеме трите вообичаени. Напредните корисници можат да ги приспособат позициите  за да им биде поудобно.

Совет: Голем број мајки се соблекуваат и себеси и бебето пред доењето. Зголемениот допир кожа на кожа може позитивно да влијае и на бебешката реакција на доењето и на производството на млеко.

Држење во нишалка

Држење за секоја намена и една од најлесните позиции за почетници.

1. Седнете на удобно место. Со перничиња потпрете ги рацете, грбот и бебето. По желба поткренете ги нозете на столче.

2. Ставете го бебето со главата до градата што ќе ја користите.

3. Свртете го бебето со лицето кон вас. Вашата града треба да му биде пред лице.

4. Соберете ги рачињата на бебето за да му ја намалите подвижноста.

5. Дајте му на бебето да цица.

Држење под рака

Почесто го користат мајките коишто направиле царски рез, бидејќи со ова држење бебето не се потпира на раната, а можат да го користат и останатите, без оглед на начинот на испорака.

1. Седнете на удобно место. Ставете перници под раката и кренете ги нозете на столче.

2. Со еднат рака потфате го  целото тело, грбот и главата на бебето, така што ножињата ќе ви бидат меѓу раката и телото, странично. Ако го доите од левата града, потфатете го со левата рака. Внимавајте убаво да ги потпирате главата и вратот со раката.

3. Свртете го телото на бебето кон вашето. 

4. Убаво стегнете го торзото на бебето под пазувата.

5. Дајте му на бебето да цица.

Легнато доење

Оваа позиција најмногу се користи ноќе. Добра е и кога мајката е изморена.

1. Легнете. Ако доите од левата града, легнете на левата страна. ако доите со десната града, легнете на десната страна.

2. Ставете една перница зад себе, една под главата и една меѓу колената.

3. Положете го бебето до градата. Телото нека му биде свртено кон вашето, а лицето нека му дојде токму пред градата.

4. Ставете перница зад бебето за тоа да биде припиено до вас.

5. Дајте му на бебето да цица.