Здрави ражничи на детското мени
На детските забави и собиранки на масите главно можеме да сретнеме нездрава храна – колачи, грицки и газирани сокови. Сепак, забавата во ваша организација и организација на вашето малечко може да биде забавна, но воедно и здрава кога станува збор за храната.
Децата обожаваат храна на стапчиња, што објаснува и зошто момчињата и девојчињата бираат сладолед на стапче, а поретко во чашка, колку и да е таа шарена. Токму со стапчињата можете да ја разубавите роденденската трпеза на своето малечко – така што на ражничот ќе нанижете шарени кругчиња и коцкички од зеленчук и месо.
Потребно е:
500 грама мисиркино филе
200 грама тиквички
150 грама свежи пиперки
100 грама пченка од тегла
Лажичка Ц зачин
Две лажички маслиново масло
Припрема:
Мисиркиното филе исецкајте го на коцки, па посипете го со Ц зачин. После тоа, потопете го во маслиново масло и измешајте. Оставете го зачинетото филе да одстои во фрижидер околу еден час. За тоа време тиквичките исечете ги на кругови, а свежите пиперки на коцки. Наизменично ставете ги на ражничот маринираното месо, тиквичките, пиперките и пченката. Печете ги ражничите десет минути. Додека печете, вртете ги на сите страни.