Златни правила за лежење на стомак
Помогнете му на бебето да ужива во времето поминато на стомак.
Може да започнете од првиот ден
Додека се во стомакот на мајката, бебињата се свиткани и згрчени, па на почетокот лежењето воопшто не им е лесно. Сепак, клучот за успешното привикнување на ова е мајчиниот допир, нежност и постепеност, бидејќи на бебето му треба време за зајакнување на мускулите. Започнете со држење на стомакот на бебето на вашите гради додека седите во седечка положба. Поради недоволно развиени мускули на вратот, новороденчињата неможат сами да ја држат својата глава, па од суштинско значење е да им помогнете.
Сепак, бебето од првиот ден во оваа позиција ќе почнат да ги користат мускулите на вратот за да се подигне со главата во насока на вашиот глас и да го види вашето лице, а кога ќе се уморни, брзо ќе се потпре назад на градите. Како бебето расте и стане посилно, ќе почне постепено да се навалува назад, а до тогаш тоа ќе се навикне на благ притисок на стомакот и ќе ја засака таа положба, бидејки во оваа поза ќе се чувствуваат безбедно.
БИДЕТЕ СТРПЛИВИ
Новородените бебиња имаат непропорционално голема глава во споредба со телото. На главата на новороденото, паѓа една третина од вкупната должина на телото.Со цел да се задржи главата во исправена положба, бебето користи две мускулни групи – стерноклеидомастоидниот, големи површни мускулите на предниот дел на вратот, и трапезоидни мускули, кои се протегаат од рамото до задниот дел на вратот.
Поради големината и тежината на главата, а недоволна цврстина на мускулите по раѓањето, бебето не може да ја држи главата само, но во првите два месеци, неопходно е Вие да го придржувате. Сепак, оваа “млитава” фаза не трае долго, бидејќи бебето станува посилно секој ден и постепено ги контролира движењата на главата.
На почетокот држете го бебето кон себе
Советите за безбедно спиење велат дека бебето не треба да спие на стомак во креветчето, но неколку минути дневно поминати на стомак, со вашата помош и топлина на телото, ќе му помогне да полесно се навикне на оваа положба, која е доста корисна за зајакнување на мускулите на трупот и вратот.
Легнете на креветот на својот грб, бебето ставете го на себеси на стомакот и градите.
Не го ставајте детето во оваа ситуација ако е уморно, плачливо или иритирано, секогаш избирајте периоди кога тоа е одморно, мирно и расположено. Ако се чувствува удобно, тоа ќе се навикне да лежи на стомакот побрзо, па преминувањето на подот ќе биде полесно и попријатно. За лежење на подот секогаш користете меки коцки за бебиња, мек фротир или дебело ќебе.
Вашиот глас е појак стимуланс од играчките
Додека лежи на подот, на бебето ќе му треба охрабрување, мотивација и забава за да се задржи подолго во стомачната положба. Со цел да се подигнат од страна на страна и да посегнат за играчка, ќе треба уште неколку месеци, но во почетокот не постои причина да се “намамат” со атрактивни играчки ниту купување на нив.
Ако не може да ја достигне и да се земе, играчката само ќе го фрустрира. На бебе на оваа возраст најинтересен и убав стимул ќе му биде твојот глас и твоето лице. Најдобро е да легнете на стомакот до него, така што ќе разговарате со него или ќе пеете. Бебето инстинктивно ќе се обиде да се сврти кон вас и да ја подигне главата, а звукот на твојот глас и близината на лицето ќе им даде безбедност.
ГЛЕДАЊЕ НА СТРАНАТА Е ВАЖНО
Кога бебето ќе почне да ја држи главата самостојно, поттикнете го да се сврти кон неговата лева и десна страна. Пејте ги неговите песни користејќи ги рацете и прстите да покажат, на пример, “Овој мал прст” или “Пет мали кученца”. Легнете на подот пред бебето и движете ги прстите и тупаниците пред лицето. Тоа сигурно ќе сака да го фати секое движење кое го имате.
ЛЕЖЕЊЕТО на стомак го подобрува варењето
Лесниот притисок на стомакот делува како стимулирачка масажа на цревата, која ќе му помогне на бебето да ги испушти вишокот на гасови.
И 10 секунди е доволно
Може да забележите дека вашето бебе е во состојба да издржи на стомакот само неколку секунди, но и тоа е доволно за почеток. Не го присилувајте да остане подолго, бидејќи резултатот ќе биде подобар ако неколку секунди по неколку пати останува на стомакот отколку да го терате еднаш но подолго време. Бебето само ќе си каже колку му е доволно. Ако само малку се буни , оставете го да лежи , но доколку се вознемири , помогнете му и свртетете го на грб. Секое бебе е различно и секое си има свое темпо.