Зошто градинката им е потребна на децата

Децата со тек на време учат дека постојат друштвени правила. Многу брзо ќе научат дека не можат да се грижат само со задоволување на своите потреби, туку дека ќе треба да ги почитуваат и потребите на другите.

Престојот во градинка е клучен за правилниот развој на детето. Предшколските установи имаат многу важно влијание во интелектуалниот и социјалниот развој на детето. Децата учат низ игра и интеракција со своите другарчиња. Таму се формираат првите пријателства. Правилата во градинката се различни од оние во семејството. Детето во предшколската установа се бори за својата положба, учи да се осамосталува, стекнува рутина и ги разбира правилата на групата. Во градинката учи дека мора да се бори за својата положба, но и за тоа што е фер игра.

Се случува во предшколската возраст детето да се колеба помеѓу одењето на игра со своите врсници или да биде со родителите. Тоа е сосема нормално. Во тек на раната возраст на децата им е потребно да бидат сигурни и заштитени, уживаат во чувството на припадност кон родителите, но и во игрите со другарчињата.